| 前日無聊得濟睇左阿妹拎比我隻<<生日快樂>>,
本來之前果晚都開左黎睇,
但見到係普通話, 一開始既情節又幾無喱頭, 所以瞓左..
到我真係無聊到有心睇落去, 終於知道呢套戲講乜.. 戲中男女主角由朋友好快發展成戀人,
男主角係一個好有女人緣, 有自信既人,
但女主角卻因為自小失去母親而變得好無安全感..
佢地雖然有多野都好夾, 而且都係真心相愛
但係女主角最終因為太無安全感,
同男主角講:「我覺得我地應該做返好朋友」
「我地係比好朋友還好既朋友」 結果, 佢地既關係變得好曖昧, 旁人睇落好奇怪,
男主角表面上好花拂, 成日轉女朋友,
但心入面始終等緊女主角..
直到過左好多年, 女主角覺得時候差唔多,
偏偏呢個時候男主角打比佢,
係佢電話留言度話佢要同第二個結婚..
咁對女主角既打擊當然好大,
但turn out原來個男主角得左家族遺傳既cancer,
自知命不長久, 為左唔好令女主角傷心,
話比人知佢結婚去左上海..
而到最後個女主角都係唔知呢件事.. <<生日快樂>>既劇情係經典既愛情悲劇,
對我而言,
悲不在男主角得左絕症,
亦不在他偉大既行俓,
卻在女主角對他的不信任..
佢地相識不知幾多年, 相交不知有幾深,
但係到最後女方都係走唔出被母親拋棄既陰影,
對愛情, 對男主角無安全感..
唔肯放開自己係佢既錯, 但最錯既都係佢老母.. 悲, 在於現實世界中同樣既情況其實唔少,
係呢個社會入面有好多家庭都唔識得教育自己既後代,
果d生左個仔出黎又唔負責任既父母更令人痛恨..
要知道一個小朋友既成長環境影響佢日後既一切,
如果負唔起責任, 或者根本唔想負責任既就唔好生.. 同日又睇到陳雲海先生既「絕育救地球」論,
不無道理呢.. |
